O Magosto

No día de hoxe celebramos o magosto. Mágoa que chovera, xa que non poidemos facer algunha das actividades. De todas formas desfrutamos nas aulas das ricas castañas e dos contos e representacións dos alumnos de Secundaria.

Saída a buscar castañas.

Hoxe luns, fixemos unha saída acompañando aos rapaces e rapazas de Infantil a recoller castañas. Foi unha sesión moi proveitosa, onde compartimos unha experiencia cos máis pequenos do colexio. Estamos esperando que chegue o mércores para degustar esas ricas castañas asadas.

Traballamos a Natureza

Na materia de Naturais, xunto cos compañeiros de 5º E.P. estamos a traballar os animais, plantas, células, os 5 reinos e os ecosistemas, por medio de maquetas e curiosidades que despois imos expoñer para todos.
Gústanos moito coidar da natureza e descubrir cousas novas sobre estos temas ¡¡¡¡¡¡

PROXECTO CIENCIAS SOCIAIS

Na materia de Ciencias Sociais estamos a traballar a HISTORIA. Estamos a ver as diferentes épocas ademais de sucesos que ocorreron: GUERRAS, REVOLUCIÓNS... mediante maquetas, fotografías, detalles e curiosidades.
Cando o rematemos esinarémolo e explicarémolo alto e claro.

Unha de moitas

O martes día 15 fixemos a primeira saida do curso acompañados dos nosos compañeiros de 5º de primaria. Dirixímonos a Santiago de Compostela a ver dous museos, o Gaiás e o MUPEGA onde fixemos xogos con palitroques, aros e pezas de goma espuma. Logo, vimos como eran as escolas antigas. Despois de ver e facer todo iso fumos comer e ao  acabar uns poucos xogos e xa rumbo a Arzúa.
E así foi a nosa primeira saída.

A patroa do noso colexio

O 7 de Outubro fixemos a Festa no noso colexio. Primeiro coloreamos unha pegatina coa Virxe do Rosario,  tivemos un pouco máis de recreo e fixemos unha pequena comilona cos de 5º,  cun biscoito
de galleta !!!
Pasamos un día marabilloso.

Comezamos o Blog

A nosa clase avanza mediante o tempo, pensabamos que íamos ser pequenos para sempre pero xa estamos ao carón da ESO !!!

Os 9 de Sexto

Moi boas, somos un pequeno-gran grupo de 9 nenas e nenos que formamos a clase de 6º EP. Durante este curso queremos vivir grandes experiencias, traballar en novos e bonitos proxectos e aprender moito.