Retos... Anímaste a facelos?

Bos días. Aquí vos deixo unha serie de retos semanais que podedes ir facendo e compartir con todos os compañeiros.

E se vos propoño uns retos diarios? Animádesvos? Eu sí...

MARTES: somos parte da historia...

Que vos parece se deixamos por escrito unha breve redacción en galego ou castelán do que está a acontecer estos días, as vosas rutinas, os vosos sentimentos, inquedanzas...? Podedes gardala nunha caixiña ou nun lugar segredo e dentro dun tempo podedes buscala e volvela a ler... como unha máquina do tempo.

MÉRCORES: somos uns artistas...

Hoxe estamos máis creativos que nunca... poderiades facer un debuxo / composición con temática libre e con materiais que teñades pola casa, materiais de refugallo...? Deixade voar a vosa imaxinación, eu confío en vós, TODOS E TODAS LEVAMOS UN XENIO DENTRO.

XOVES: é hora de xogar e aprender...

Que vos parece se inventamos un xogo para toda a familia?

Escribide todas as regras e describide os materias necesarios para xogar, fichas, taboleiro,...

VENRES: a fin de semana está pretiño e con ela o tempo das lambonadas...

Podedes propoñer unha receita (doce ou salgada)? Non esquezades anotar os ingredientes e as cantidades necesarias... Ñam, ñam, ... XA ARRECENDE

Non esquezades que estes retos son suxestións, se vos animades e queredes enviar fotos para compartir cos compis enviádesmo e eu o subo ao blog de aula.